Dhimbje e madhe/ Mbyll sytë një nga personalitetet më të shquar, ja për kë bëhet fjalë

Ky mesditë e së martës solli lajmin e hidhur të ndarjes nga jeta të Tomor Asabellës,

një personalitet që iu kushtua me mish e me shpirt mbrojtjes së trashëgimisë historike.

Për këtë humbje të madhe njoftoi përmes një shkrimi të ndjerë në rrjetet sociale kryetari i Kuvendit të Shqipërisë, Niko Peleshi.

Përgjatë gjithë jetës së tij, Asabella u shqua për vendosmërinë në ruajtjen e vlerave të Luftës Antifashiste Nacionalçlirimtare, ndërsa vdekja e tij është përjetuar me shumë dhimbje nga të afërmit, bashkëpunëtorët dhe e gjithë komuniteti që e njihte.

Figura e tij mbetet e lidhur ngushtë me përpjekjet për t’ua transmetuar pasardhësve sakrificat e bëra për lirinë e atdheut.

Artur Asabella, i biri i të ndjerit, ka shprehur dhimbjen e tij duke ndarë me publikun detajet për ceremoninë e lamtumirës. Redaksia e Newsbomb.al përcjell ngushëllimet më të sinqerta për familjen dhe miqtë e të ndjerit në këto çaste të vështira.