‘Gjithcka mori…’ Selin Bollati del me deklaratën e papritur për lidhjen e saj me Gimbon!
Nëpërmjet një postimi mjaft të ndjerë në platformat e rrjeteve sociale, Selin Bollati ka zgjedhur të festojë ditëlindjen e partnerit të saj, DJ Gimbo, duke ndarë me publikun mendimet e saj.
Fituesja e “Big Brother VIP Albania 5” ka ndarë një imazh të përbashkët të shkrepur gjatë kohës që ata ishin pjesë e shtëpisë më të famshme, shoqëruar nga fjalë mjaft personale për partnerin e saj.
“Sapo e kuptova se gjithçka mori kuptim. Kuptova sa thellë më do Zoti, sepse mes gjithë shpirtrave në këtë botë, Ai zgjodhi të të sillte ty tek unë. Bekimi im më i madh, vendi im më i sigurt dhe kujtesa më e ëmbël se sa me fat jam vërtet. Gëzuar ditëlindjen dashurisë sime, mikut tim më të mirë dhe numrit tim 11 me fat përgjithmonë… Të dua!”, shkroi Selin.
Lidhja e tyre nisi pikërisht brenda mjediseve të “Big Brother VIP Albania 5”, ku afrimiteti që krijuan me kalimin e kohës u shndërrua gradualisht në një histori dashurie.
Në kohën pas mbylljes së këtij reality show, të dy personazhet kanë vijuar të kultivojnë marrëdhënien e tyre, duke qenë të pranishëm shpesh në evente publike ose duke ndarë momente nga jeta e tyre në rrjetet sociale.
Ky mesazh i fundit i Selinit konfirmon vazhdimësinë e lidhjes së tyre, ndërsa urimi për ditën e lindjes së Gimbos ka marrë vëmendjen dhe komentet e shumta të admiruesve të këtij çifti.
