Katerina flet për herë të parë pas lindjes, zbulon çfarë ndodhi me Arnoldin dhe testin e ADN-së

Katerina ka folur për herë të parë në “Prive By LS” pas lindjes së vajzës, duke rrëfyer detaje rreth komunikimit me Arnoldin dhe çështjes së testit të ADN-së që ai kishte kërkuar më herët.

Ajo tregoi se pas lindjes kishte shkruar një mesazh për Arnoldin, por në fund vendosi të mos ia dërgonte. Sipas saj, mesazhi ishte shkruar në një moment emocionesh të forta.

“Në fakt e shkruajta një mesazh, po nuk e dërgova kurrë…”

Katerina shpjegoi se ditët e para pas lindjes ishin shumë personale për të dhe se nuk ndihej gati ta kontaktonte drejtpërdrejt Arnoldin.

Më pas, sipas rrëfimit të saj, Arnoldi e zhbllokoi dhe e telefonoi për të diskutuar pikërisht çështjen e testit të ADN-së.

Katerina tha se i kërkoi të vinte për ta realizuar testin, në mënyrë që t’u jepej fund diskutimeve që ishin bërë publike.

“Duhet të vish të bëjmë atë gjë, të lutem. Duhet, nuk mund të jetë kështu”, tregoi ajo.

Megjithatë, sipas deklaratës së Katerinës, testi i ADN-së ende nuk është kryer, pasi Arnoldi nuk ka ardhur për ta realizuar atë.

Rrëfimi i saj vjen pas lindjes së vajzës dhe rikthen në vëmendje historinë mes dy personazheve, ndërsa mbetet për t’u parë nëse testi do të realizohet në vijim.