“Klevisa, po ta them vetëm ty”: Indriti thyen sekretin dhe zbulon prapaskenën e letrës për Vanesën
Dinamikat rreth letrës misterioze të Indritit për Vanesën po vazhdojnë të ngjallin mjaft kurreshtje brenda dhe jashtë “Ferma VIP”.
Ndonëse bëhet fjalë për një sekret që banorët e tjerë nuk e dinë ende, Indriti ka zgjedhur pikërisht banoren e re, Klevisën, për t’i besuar këtë prapaskenë.
Gjithçka nisi gjatë spektaklit Prime të së premtes mbrëma, kur moderatorja Arbana Osmani e pyeti hapur Indritin nëse dëshironte që letra e shkruar gjatë javës të lexohej në ato momente, apo të priste mbrëmjen e së hënës, kur Vanesa do të ishte fizikisht e pranishme në studion live.
Indriti zgjodhi variantin e dytë, duke preferuar që fjalët e tij t’i shkonin Vanesës kur ajo të ishte përballë ekranit.
Megjithatë, dita e djeshme ka sjellë një bisedë kokë më kokë mes tij dhe Klevisës, ku ai ka vendosur t’ia tregojë të gjithë situatën, duke i kërkuar fillimisht besnikëri të plotë.
Edhe pse të tjerët janë ende në errësirë, afrimiteti i fundit mes të dyve duket se e ka shtyrë Indritin të hapet me 19-vjeçaren.
“Ta them vetëm ty diçka, mos ia thuaj kërkujt. A ma premton? Unë i kam shkruar një letër Vanesës, por kam vendosur me prit që të jetë edhe ajo në studio për me e lexu. Prandaj hyna brenda atë natë aty, më pyetën, nuk ishte. Se nuk dua.”
Tani që sekreti doli në dritë për Klevisën, i gjithë publiku është sy e veshë nga Prime i së hënës për të zbuluar më në fund përmbajtjen e plotë të kësaj letre dhe për të parë reagimin e Vanesës përballë deklaratës së Indritit.
