Plasën cokollatat! Rizarta Hoxha dhe ish-banori i Big Brother në një lidhje? Publikohet FOTO

Jeta private e Rizarta Hoxhës është kthyer në qendër të vëmendjes pas shpërndarjes së një imazhi në rrjetet sociale, i cili ka shtuar dyshimet mbi statusin e saj aktual.

Nëpërmjet një postimi në InstaStory, gazetari Elton Tozaj ka bërë publike një fotografi ku shfaqen dy persona, një vajzë dhe një djalë, duke ecur të shoqëruar nga pas, teksa shoqëroi këtë moment me pyetjen: “Në një lidhje Rizarta Hoxha dhe Arbër Çepani?”.

Sipas pretendimeve që shoqërojnë këtë imazh, personat në fjalë janë Rizarta Hoxha dhe Arbër Çepani, figura publike e njohur gjerësisht për pjesëmarrjen e tij në “Big Brother”.

Edhe pse dyshja duket qartësisht duke ecur bashkë dhe e pajisur me valixhe, ky detaj mbetet i pamjaftueshëm për të vërtetuar ekzistencën e një lidhjeje romantike mes tyre.

Gjithsesi, kjo pamje ka shërbyer si bazë për të shtruar pyetje mbi natyrën e këtij takimi, përkatësisht nëse bëhet fjalë për një udhëtim të thjeshtë ose për diçka më intime që po zhvillohet mes tyre.

Në këtë moment, asnjëri nga protagonistët, qoftë Rizarta Hoxha apo Arbër Çepani, nuk ka bërë ndonjë reagim zyrtar për të konfirmuar ose mohuar këto aludime për një lidhje të mundshme.