Termometri kap 41 gradë Celsius: Meteorologu Osmani tregon zonat që do të përvëIohen

Sipas të dhënave meteorologjike, territori ynë do të kaplohet nga një valë e nxehtë me temperatura deri në 41 gradë Celsius, ndërsa situata atmosferike në përgjithësi pritet të jetë e qëndrueshme, me shfaqje të herëpashershme të vranësirave në zona të kufizuara.

Elbasani dhe Berati do të kryesojnë listën e qyteteve më të ngrohta me 41 gradë, pasuar nga Gjirokastra dhe Shkodra me 40 gradë, ndërsa rajoni i juglindjes do të vijojë të ketë kushte më të buta termike.

Orët e para të mëngjesit do të sjellin një freski relative me 18 gradë, por pjesa tjetër e ditës do të dominohet nga vapa intensive, shoqëruar me shira të rrallë në zonat lindore.

Pjesa më e madhe e vendit do të gëzojë një mot të qëndrueshëm.

Përkundër kësaj, ekziston mundësia për reshje lokale në disa pjesë, teksa kulmi i temperaturave pritet të arrihet gjatë orëve të mesditës.

Në përfundim të këtyre parashikimeve, Osmani ka nënvizuar se ky muaj gusht do të karakterizohet nga vlera termike dukshëm më të larta se mesatarja e zakonshme vjetore.