Zbardhen detaje tragjike nga vr*sja e babait dhe djalit në Dukagjin/ Ja cfarë u zbulua

Zona e Dukagjinit në Shkodër është mbërthyer nga një ngjarje tronditëse gjatë pasdites së kësaj të diele, ku një përplasje me armë zjarri ka lënë pas dy viktima dhe një të plagosur.

Policia e Shtetit konfirmoi se krimi i rëndë është shënuar në fshatin Mgull, ku mbetën të vrarë dy shtetas që kishin lidhje gjaku si babë e bir.

Në bazë të informacioneve fillestare, viktimat e këtij atentati janë identifikuar si Lekë Gjoni dhe Prelë Gjoni, ndërkohë që Lazër Bashi është personi që ka marrë plagë nga të shtënat.

Alarmi për autoritetet në Shkodër u dha përmes një telefonate, e cila vuri në lëvizje shërbimet policore për të verifikuar situatën dhe për të nisur hetimet lidhur me këtë ngjarje.

Sipas raportimeve të para, përveç një personi që ka mbetur i plagosur, dy të tjerët që pësuan lëndime të rënda ndërruan jetë si pasojë e plagëve. Ndërhyrja e forcave të rendit në fshatin Mgull po përballet me vështirësi të mëdha logjistike, për shkak të terrenit tejet malor dhe distancës së largët nga qendra e qytetit të Shkodrës, shoqëruar kjo edhe me mungesën e valëve të komunikimit në zona të caktuara.