Gjatë këtyre viteve është folur shpesh se Tuna dhe Patrisi janë ndarë, por të gjitha kanë rezultuar thashetheme.
Lidhja e tyre nisi befasisht dhe u konsolidua shpejt, pasi në pak muaj si çifti më i ri i shoubizit ata u bënë edhe prindër për herë të parë, me ardhjen në jetë të Tian. Mirëpo, së fundmi çifti është vendosur sërish në qendër të mediave dhe sërish po flitet se janë ndarë. Ishte një veprim i Tunës ai që nxiti këto zëra në rrjet pasi ajo hoqi mbiemrin e Patrisit nga Instagrami i Tian, të birit, shkruan “Kosovarja”.
Nga Tian Patris Berisha, tashmë në bion e tij të Instagramit shkruhet Tian Sejdi, mbiemri i këngëtares. Madje ajo e ka hequr edhe nga lista e personave që ndjek Tian në këtë rrjet social.
Tuna është rikthyer për të jetuar së bashku me djalin në Shkup. Ndërkaq, Patrisi po jeton në një lagje tjetër të kryeqytetit dhe jo në atë ku është apartamenti i këngëtares.
Nga ana tjetër, edhe Patrisi e ka hequr Tunën nga personat që ndjek por ka ende fotot familjare në profilin e tij, ndryshe nga artisja që ka vetëm fotot me të birin.
