Në finalen e madhe të 18 shkurtit në “Big Brother VIP”, balerini Ilir Shaqiri ka rrëmbyer çmimin e madh prej 100 mijë eurosh.
Finalja u komentua jashtëzakonisht shumë në media, shkruan lajmi.net.
Fitorja e Ilirit dhe humbja e Donaldit, mori vëmendje të madhe në media.
Por përtej kësaj po vazhdon të komentohet ende çmimi i madh prej 100 mijë eurosh.
Mediat italiane në artikujt dedikuar balerinit thuhej se një pjesë e fitimit nga çmimi i madh do t’i dhurohej për bamirësi fondacionit “Dritan Hoxha”.
“Iliri fitoi gjithashtu çmimin e parë në para, për një vlerë prej 100 mijë eurosh, një pjesë e të cilit do të dhurohet për bamirësi sipas metodave të zakonshme origjinale të parashikuara nga formati. 50% e shumës do t’i dhurohet Fondacionit “Dritan Hoxha”, i cili synon të kontribuojë në një shoqëri shqiptare të orientuar drejt kulturës, artit, komunikimit, zhvillimit të medias, përmes talentit dhe inovacionit, veçanërisht nga të rinjtë”, thuhej në artikujt e mediave italiane.
Përveç Ilirit, tre finalistët e tjerë kanë marrë nga 10 mijë euro.
