Historia mes Donaldit dhe Borës edhe pse mori fund kur aktori ishte brenda në BBV dhe u lidh me Beatrix Ramosaj, vazhdon të jetë ende kryeqendra e lajmeve rozë.
Donaldi publikoi dje pasdite këngën e tij të parë solo, e titulluar “Nuk je” dhe menjëherë të gjithë e lidhën me historinë e tij dhe Borës.
Kjo për shkak të tekstit dhe datës 5 që u shfaq gjatë klipit, e që është data e lidhjes së tyre. Pas publikimit të këngës, shumë ndjekës i kanë kërkuar Borës me me komente që ta dëgjojë.
Në postimin ku moderatorja tregon se është përlotur nga emocionet që i ka dhuruar puntata më e fundit e “Përputhen Prime”, fansat e pyesin për këngën.
“E dëgjove këngën?”, “Ku e ke idiotin?”, “Une nuk jam idiot ,ama jam idioti jot”, “Eshte idiot amo eshte idioti jot”, janë disa nga komentet ndërsa të tjerë i kërkojnë ta falë Donaldin sepse “Dashuria e vërtet nuk përfundon kurrë”.
Bora deri tani nuk i është përgjigjur komenteve dhe as që pritet ta bëjë një gjë të tillë, edhe pse kureshtja e njerëzve është shumë e madhe.
