Najada Konomi ose e njohur ndryshe si Noçja e Big Brother është bërë nënë për herë të dytë. Lajmin e bukur e ka bërë të ditur vetë ajo në rrjetet sociale.
Ish-banorja e famshme e edicionit të parë të Big Brother ka ndarë në rrjetet sociale disa foto nga shtatzënia dhe dorën e bebushit të saj. Duket në formë dhe shumë e lumtur.
Noçja është bekuar me një djalë, pas vajzës më të madhe. Ajo ka zbuluar se e ka pagëzuar me emrin Brendon. Një emër shumë i bukur dhe urojmë që ta ketë me jetë të gjatë.
“22.03.2022 Lindi Brendon! Në fillim kishim njëri-tjetrin dhe tashmë ne kemi gjithçka. Kemi lumturinë, paqen, gëzimin e gjithë jetës. Kemi gjithçka që kishim kerkuar”, shkruan Najada në Facebook.
“Kemi ëndrrën e gjithë jetës mes duarve tona”, shton ajo në postimin e saj emocionues. Sa mirë kur njerëzit janë të lumtur dhe nuk ngurrojnë për ta treguar lumturinë e tyre.
Me siguri që ju e mbani mend mirë Najadën nga aventura e saj e shkurtër në Big Brother VIP rreth një dekadë më parë në Top Channel. Lidhja e saj me Olsin ishte hiti i atij sezoni.
