Antonela Berisha ishte e ftuar në programin “Ftesë në 5” për t’iu rikthyer edhe një herë eksperiencës së saj në Big Brother VIP. Ajo ka rrëfyer se natën kur doli nga shtëpia më e famshme në Shqipëri nuk i studioi personazhet para se të hynte, sepse donte t’i jetonte vetë në lëkurë.
Antonela Berisha: “Atë natë kur kam dalë, kam hipur në makinë me motrën. Më merreshin mendtë dhe nuk e dija kush isha. Mamin e kishte zënë gjumi. Më shumë doja të vija në provë durimin tim dhe besoj se ia kam arritur më së miri. Oferta e Big Brother më ka ardhur vetëm pak ditë para se të hyja. Oferta zyrtare erdhi 1 javë para se të hyja. Kisha parë Primet, por nuk i kisha studiuar personazhet”.
Sa i përket synimit të saj për të mos krijuar lidhje brenda shtëpisë, Antonela tha: “Do vihej epiteti, kjo do burrë. Nuk kisha sukses në emisione dashurie. Pas daljes, jemi takuar me raste me PM, Sarën, Dagzin, Einxhelin, Trixën, Donaldin, Fifin”.
Ndërsa për konfliktin e saj me Monika Lubonjën, të cilës i bërtiti se ia kishte shkelur këpucët duke i thënë “Kujdes, bëjnë 800 euro ato këpucë”. E pyetur në “Ftesë më 5” për punën që bën dhe si i fiton të ardhurat për të blerë rroba të shtrenjta, Antonela tha se është maniake për veshjet.
Antonela Berisha: “Unë kam jetuar edhe para Përputhen, kam punuar që para se të bëhesha 18 vjeçe, kam punuar kameriere, pastruese, e kam fituar lekun vetë. Të gjithë punonim, qeraja nuk është aq e madhe për 5 vetë”.
“Rroga e parë zyrtare ka qenë kur isha stazhiste, 517 euro fiks. Punoja 6 ditë në darkë nga mëngjesi deri kur mbyllej, sapo kisha mbaruar shkollën. Puna më e mirë e paguar ishte kur në një markë franceze më ofruan punë dhe përveç rrogës, kisha dhe përqindje. Mora dhe titull si shitësja më e mirë në Europë”.
