Edhe pse ka një vajzë të rritur, Ilir Shaqiri do të martohet këtë fundjavë. Ai dhe partnerja e tij do i drejtohen altarit këtë të shtunë. Vip Magazine thote se fituesi i i edicionit të parë të Big Brother Vip ka zgjedhur një ceremoni në një restorant pranë bregdetit në Durrës.
Ndërkohë mësohet se pjesë e gëzimit të tyre do të jenë më shumë se 100 të ftuar. Pak muaj më parë Iliri deklaroi se nuk kishte zhvilluar dasmë, por vetëm një ceremoni martesore në bashki në Itali dhe një darkë private me 14 persona.
Duket se balerini i njohur ka zgjedhur ta çojë deri në fund adetin për të pasur një kujtim të bukur me aktoren italiane Emanuela, me të cilën ka edhe një vajzë, Emily.
Mësohet se të ftuar në dasmë do të ketë edhe ish-banorë të BBV, ku nuk kishte si të mungonte ftesa për Arjola Demirin, po ashtu do jetë edhe Arbër Sulstarova, për të tjerët ende nuk dihet gjë.
Në dasmën e Ilirit nuk do mungojnë personalitete të njohura në Shqipëri, miq dhe të afërm të balerinit, që i ka surprizuar jo pak me këtë dasmë të papritur pas kaq kohësh.
Pas mbarimit të BBV, Ilir Shaqiri po e kalon kohën mes Italisë dhe Shqipërisë, ku së fundmi në vendin tonë ka nisur disa projekte shumë interesante në lidhje me baletin.
