Beatrix Ramosaj u përfshi në një romancë me Donald Veshaj brenda shtëpisë së Big Brother Vip e duke qenë se aktori kishte një histori ende të pambyllur mirë me Bora Zemanin, këngëtarja u gjykua ashpër në rrjet.
E përlotur në një video Trixa tha se nuk e meriton këtë dhe se prej më shumë se tre muajsh është duke u sharë e mallkuar ajo e familja e saj.
“Kam heshtur shumë, por nuk do hesht më. Dua të jem shembull i mirë për vajzat, për gratë,” – u shpreh Beatrix ndërsa dha një mesazh të rëndësishëm për personat që sulmojnë pas një adrese në internet.
Të njëjtin hall ka dhe Donaldi. Aktori komentoi në episodin e dytë të “Më lër të flas” të gjithë personat që e gjykojnë pa qenë në vendin e tij dhe pa asnjë farë të drejte.
“Nëse unë bëj gabim ata nuk e pranojnë, kërkoj falje për gabimin, ata nuk e pranojnë. Unë mendoj se secili nga ne është i lirë të bëjë çfarë të dojë me jetën e vet. Të lidhesh është gabim, të qeshësh është gabim, të qash është gabim, të ndahesh është gabim. Për ata je një gabim i gjallë. Kujdes nga ata, nuk të duan por të ndjekin, duan të të injorojnë ama të komentojnë. Ata të mësojnë se si është dashuria, ku vetë ata gabojnë dhe tradhtojnë,” – u shpreh Donaldi.
