Ndonëse eksperiencat e para në ekran, Bora Zemani i nisi si këngëtare, vite më vonë ajo u bë velinë e “Fiks Fare” derisa u fokusua tek moderimi.
Me eksperiencat e ndryshme në ekran Bora e fokusoi karrierën tek prezantimi, por me një foto të fundit i ka ngacmuar sërish ndjekësit.
“Mund të kishte qenë dhe kështu”, ka shkruar Zemani krah fotos ku shfaqet e veshur si balerine. Të jetë kërcimi një pasion i cili do rizgjohet tek Bora? Apo një produksion i ri i cili lidhet me kërcimin mund të jetë një ndodhi e mundshme?
Ok, nuk keni pse lodheni së menduari se ua themi ne. Prej kohësh në ambientet e Top-it po përflitet se në sezonin e ri televiziv që i bie në shtator-tetor në këtë ekran do fillojë një spektakël i përjavshëm madhështor.
Bëhet fjalë për “Dancing ëith the stars”, një format që po bën kohë që mungon në ekranet tona dhe duket se TCH do e rikthejë sezonin e ri.
Bora Zemani do jetë prezantuesja e këtij spektakli të përjavshëm që pritet të zgjasë 12-15 javë dhe duke ditur impenjimin që ka një spektakël i tillë na bën të dyshojmë që Bora s’do jetë më moderatorja e Përputhen.
A do jetë Donaldi një nga “yjet” e “Dancing ëith the stars”? Këtë nuk e dimë ende, por pse jo! Punon në Tch, i pëlqen kërcimi, personazh i njohur është… kështu që pse jo…
