Nga Policia austriake kanë folur për dyshimet e para rreth aksidentit të autobusit nga Kosova në Salzburg të Austrisë, ku mbetën të lënduar rreth 20 persona.
Sipas zëdhënësit të Policisë, Hans Wolfgruber, dyshimet janë se ose shoferin e ka zënë gjumi ose ndonjë defekt teknik e ka shkaktuar aksidentin, raporton Express.
Ndërkohë, Komandanti i Shpëtimit të Qarkut, Hermann Garstragser, tha se në autobus ndodheshin 28 persona.
“Në automjet ishin 28 persona,” tha Gerstgraser.
Sipas tij, tre persona kanë mbetur të lënduar rëndë dhe 16 të tjerë kanë pësuar lëndime të lehta.
Ai ka thënë se personat që ndodheshin në autobus janë turistë nga Kosova./Gazeta Express
