Aktori dhe producenti Ermal Mamaqi ishte mbrëmjen e djeshme i ftuar në emisionin “Në kurthin e Piter Panit” në Tv Klan. Fëmijët i drejtuan pyetje nga më të ndryshmet, të cilave Ermali nuk hezitoi t’iu përgjigjej.
Një prej fëmijëve e pyeti nëse ai dhe Ami kanë ndërmend të bëjnë një fëmijë tjetër, një çun apo një gocë. “Doni të bëni një çun apo një gocë?”, i tha ai. “Ne tani do bëjmë një qen”, u përgjigj Ermali me humor.
Vogëlushi e përsëriti pyetjen dhe producenti tha: Nuk do bëjmë as çun as gocë se kemi kredi. Në fund Ermali zbuloi se ka dëshirë të ketë një çun tjetër, pas këmbënguljeve të vogëlushit.
Intervistat e tij janë gjithmonë gazmore. Eshtë e qartë se profesioni i tij si aktor humori vazhdon të prevalojë tek ai. Ermali gjithmonë di të fitojë vëmendjen e popullit.
Nëse një djalë i suksesshëm si Ermal Mamaqi paska problem lindjen e fëmijës prej kredisë, imagjino ne të tjerët. Ermali ka disa vite që gjeneron të ardhura të larta prej produksioneve të tij.
