DALIN REZULTATET/ Ja kush shpallet sonte finalisti i dytë i Ferma VIP

Pak orë para Prime-t vendimtar të Ferma VIP, në rrjet kanë nisur të qarkullojnë rezultatet e një sondazhi që po tërheq vëmendjen e ndjekësve të formatit.

Në garë për vendin e finalistit të dytë janë Bujaka, Visi dhe Ilir Shaqiri. Sipas rezultateve të publikuara, Visi kryeson bindshëm me 59% të votave, duke lënë pas Bujakën me 35%, ndërsa Iliri renditet i fundit me vetëm 6%.

Nëse këto shifra reflektojnë edhe preferencën e publikut në televotimin zyrtar, atëherë Visi duket favorit për të siguruar një vend në finalen e madhe.

Megjithatë, gjithçka mbetet për t’u konfirmuar gjatë spektaklit të mbrëmjes, ku do të shpallet zyrtarisht finalisti i dytë i këtij edicioni.

Ndërkohë, fansat kanë nisur diskutimet në rrjetet sociale, ku shumë prej tyre besojnë se gara tashmë ka një favorit të qartë, ndërsa të tjerë mendojnë se surprizat nuk përjashtohen deri në momentin e fundit.