Pas sherrit të bujshëm me ish-in e TBA, shokun e Stresit, Kleviol Ahmeti, i njohur si “Cllevio Serbiano”, një sasi lënde plasëse i është vendosur lokalit ‘Rigels Shisha Lounge’ në zonën e plazhit në Plepa në Durrës të reperit të njohur, Noizy.
Shpërthimi në lokalin e reperin ka ndodhur rreth orës 04:00 të mëngjesit të sotëm.
Lënda plasëse është vendosur në katin e parë, në të cilin ndodhet dyqani ‘Ilyrian’, në pronësi të reperit Rigels Rajku i marrë me qira nga babai i tij, Bashkim Rajku
Bëhet e ditur se nga shpërthimi janë dëmtuar xhamat në dy katet e ndërtesës
Nuk dihet nëse personat përgjegjës për vendosjen e tritolit janë të njëjtë me ato të sherrit të regjistruar dy ditë më parë.
Dy ditë më parë Cllevio u përfshi në një sherr të dhunshëm me reperin Noizy.
E gjithë përplasja fizike e ka zanafillën pak ditë më parë kur shoku i Stresit Cllevio Serbiano, publikoi një video në Tik Tok ku shante Noizyn.
Pas publikimit të videos, dyshja në fjalë kanë nisur debatet në rrjetet sociale.
Fill pas kësaj, Cllevio i ka shkuar Noizyt në lokal ku është rrahur nga ai dhe shokët e grupit OTR.
Sot, një ditë pasi Cllevio u arrestua dhe reperi Rigels Rajku me babain e tij janë të lirë, thjesht të proceduar penalisht, lokali i Noizyt ka shpërthyer nga një lëndë plasëse.
