Këngëtari i njohur Stresi, ka vizituar në spital ditën e sotme një 12-vjeçar i cilin vuan nga një sëmundje e rëndë dhe është në gjendje kritike për jetën.
I mituri kishte shprehur dëshirën që ta takonte reperin pasi ishte këngëtari i tij i preferuar, dëshirë të cilën sot ai ia ka plotësuar. Ishte faqja Brryli Broadway që publikoi mbrëmë mesazhin e njërit prej të afërmëve të 12-vjecarit dhe Stresi nuk ngurroi aspak për t’i plotësuar dëshirën.
“Pershendetje Brryli! Kerkoj mbeshtetjen tuaj per te bere sadopak te lumtur nje 12 vjecar me iniciale S.T, i cili eshte diagnostikuar me Tumor Cerebral dhe nuk i ka mbetur edhe shume kohe per te buzeqeshur dhe gezuar ditet.
E vetmja gje qe ka kerkuar keto dite eshte prania e kengetarit Stresi ne ambjentet e spitalit te Pediatrise. Ju lutem ajo qe kerkoj prej jush eshte te gjejme nje menyre qe kjo gje te behet realitet, duke e etiketuar kengetarin ne fjale apo nepermjet kontakteve qe ju mund te keni.
Do ju ishim vertet shume mirenjohes nese do mernit pjese ne nje enderr kaq te vogel kundrejt nje semundjeje kaq te madhe.Faleminderit!”.
Në disa postime të bëra në rrjetet sociale, Stresi tregon momentin kur takon vogëlushin, të cilit i kishte bërë edhe një lodër dhuratë. ‘Sa e padrejtë është jeta”, shkruan Stresi.
