Monika ka realizuar një intervistë virtuale me ndjekësit në Instagram dhe shumica e pyetjeve ishin për “Big Brother”. E pyetur për Big Brother VIP Kosova, aktorja tha se nuk i ka ardhur një ftesë, por sërish e ka me dy mendje.
Sa i përket ish-banorëve, Monika për Donaldin tha: “Miqtë duan vite e kohë të quhen të tillë, nuk mjafton një format televiziv. Të gjithë janë të mirë ose jo varet nga montazhi”.
Ndërsa për Ilirin kur e pyetën pse nuk e ndjek, aktorja u përgjigj: “Ku ta ndjek? Po ja dhe e ndoqa po sikur të njoftojë policinë ai dal keq kot. Po deshe e ndjekim bashkë e bëj për ty këtë”.
Mes të tjerash, aktorja nuk ka ngurruar të ironizojë prishjen e miqësisë mes Ilir Shaqirit dhe Sabianit. E pyetur se çfarë mendon për ‘vëllazërinë e copëtuar’ Monika ka thënë: “Si ato lajmet që vriten vëllezërit për një rrip ujë.”
Pyetjes nëse beson në vëllazëri ajo i është përgjigjur me ironi se “Dita-Ditës bindem për vëllazërinë”.
