Elsa Lila u shpall fituese e Festivalit të Këngës, mirëpo ajo nuk do ta përfaqësojë Shqipërinë në Eurovision. Kjo pasi këtë vit është vendosur që përfaqësuesi të zgjidhet nga votat e publikut. Elsa Lila me këngën “Evita” mori pikët më të larta nga juria, por Albina dhe familja Kelmendi ishin më të votuarat nga publiku dhe si rrjedhojë do të shkojnë në Eurovision.
Në lidhje me këtë ka reaguar së fundmi Adrola Dushi, e cila ka shprehur hapur zhgënjimin e saj. Ajo ka publikuar një foto të Elsës në rrjete sociale duke shkruar se është dëshpëruese që këngëtarja nuk do të përfaqësojë Shqipërinë.
“Elsa Lila thjesht më e mira! Ah moj Shqypni e mjera Shqypni… Dëshpërimisht një dëshpërim”, ka shkruar Adrola.
