Kiara Tito dhe Olta Gixhari kanë diskutuar bashkë rreth një lidhje të mundshme brenda shtëpisë së “Big Brother VIP 2”. Bëhet fjalë për Luiz Ejllin, i cili ka shprehur hapur pëlqimin për moderatoren e njohur.
“Ju do dilni ose shokë ose burrë dhe grua”, u shpreh aktorja e njohur që mendon se ekziston mundësia për të pasur diçka mes këngëtarit dhe Kiarës.
Është moderatorja, ajo që shfaqet pesimiste dhe asnjëherë nuk ka folur për mundësinë, që një ditë të jetë në krahun e Luizit.
Olta mendon gjithashtu se do të ishte shumë e vështirë të krijohej një lidhje mes Luizit dhe Kiarës. Këtë ia ka shprehur asaj, që deri tani refuzon të pranojë diçka mes tyre.
Pavarësisht të gjithave, aktorja e njohur tregon se një lidhje mes tyre do ishte mjaft e bukur.
“Unë prapë do të them do vdisja t’ju shikoja çift se më dukeni shumë të lezetshëm”, tha Olta që i rekomandon Kiarës të mos rrije nën hijen e Luizit.
