Ditën e sotme në rubrikën “Diell apo Hënë” në “E diell”, ishin të ftuara përballë njëra-tjetrës Gerta Gixhari dhe Zhaklina Gjolla.
E padyshim gjatë lojrave, nuk kishte si të mungonin pyetjet rreth Big Brother Vip Albania.
Momentalisht Gerta ka motrën e saj brenda, Oltën, ndërsa Zhaklina ishte një ndër banoret që pati përplasjen e parë me aktoren brenda shtëpisë.
Të pyetura nga Nevina Shtylla, Gerta ka treguar bisedën e tyre të parë pas daljes së Zhaklinës nga BBV.
Megjithëse nuk e përmendi sherrin e përfolur në rrjet me të motren e vet, Gerta e nisi historinë në vetën e tretë, ku u shpreh se kanë pasur një bisedë të thjeshtë në shenjë mirësie dhe se Zhaklina nuk ka pasur asnjë problem me Oltën brenda shtëpisë.
Kujtojmë se raportet mes Gertës dhe Oltës thuhet se nuk janë aspak mirë. Dyshimet u shtuan më shumë kur u vu re se ato nuk e ndjekin njëra-tjetrën në rrjetet sociale
Gjithashtu, Gerta nuk ka treguar asnjë mbështetje për motrën e saj qëkur është bërë pjesë e programit, ashtu siç ndodh të veprojnë familjarët e tjerë të konkurrentëve.
