Tashmë duket se mes Luizit dhe Kiarës situata po vjen duke u përmirësuar.
Dyshja kanë filluar të kalojnë shumë kohë bashkë ndërsa Kiara i tregoi mbështetjen e saj Luizit ku të gjithë banorët ishin kundër tij.
Ditën e djeshme ajo e këshilloi që mos të influencohej nga fjalët e asnjë prej banorëve, tek iu drejtua:
“Unë të flas sepse të kam xhan. E di, të shoh, të kuptoj që ke një anë shumë të mirë që askush nga këta nuk dëshiron të ta nxjerri. Për më tepër të të fusin mendime të tjera dhe të biesh akoma dhe më poshtë seç je moralisht. Nëse do të vazhdosh kështu siç je mos u influenco nga fjalët e tjë tjerëve se askush nuk të ka xhan më shumë se unë këtu”- i tha Kiara.
Mirëpo në orët e vona të natës ata kanë ndejtur sërish pranë njëri tjetrit dhe Kiara i bëri një deklaratë të papritur Luizit.
“Po të mos ishe ti kjo shtëpi nuk do kishte kuptim. Nuk ta them për të të bërë qejfin. Ke një humor që mua më shkrin fare. Këtyre ju vjen shumë inat që ne po afrohemi bashkë. Do më “sulen” mua tani.” – i tha ajo, ndërsa Luizi nuk mund të ishte më i lumtur!
