Gazetari Ronaldo Sharka humbi pak javë më parë babain e tij nga një sëmundje e rëndë.Ish-banori i “Big Brother VIP” ka bërë gjestin emocionues ndaj të atit teksa u shfaq mbrëmjen e djehsme në studion e spektaklit.
Ronaldo kishte stampuar në bluze një foto të tij me babain nga momenti kur ai e surprizoi teksa qëndronte në shtëpinë e BBV.
“Jam sonte këtu sepse ne njerëzit e televizionit kemi në dorë diçka shumë të rëndësishme që është impakti. Nuk jam i vetmi që kam humbur prindit, të gjithë humbin familjarë të dashur, në një moment apo tjetër.
Të afërmit tanë që largohen nga kjo jetë jam i bindur që largohen vetëm fizikisht, por janë me ne gjatë gjithë jetës për të na mbrojtur si engjëj dhe ne duhet të vazhdojmë t’i bëjmë krenar”, u shpreh ai.
Gazetari postoi një video të tij ku tregonte bluzën dhe shkroi: “Kujtimi më i bukur, gjithë jetën!”
Kujtojmë se në primen e mbrëmshëm pas një televotimi të hapur gjatë spektaklit la shtëpinë Beati, i cili nuk kishte as biletën e kthimit dhe e mbylli këtu këtë aventurë.
