Luiz Ejlli dhe Kiara Tito janë padyshim dy ish-banorët e “Big Brother VIP 2” më të pëlqyer dhe të dashur për publikun shqiptar.
Gjatë qëndrimit në shtëpinë më të famshme në Shqipëri, ata nisën një romancë e cila vazhdon dhe jashtë. E ata duken mjaft të dashuruar e të lumtur pranë njëri-tjetrit.
Ndërkohë fansat vazhdojnë që t’i duan edhe tani që BB VIP ka mbaruar dhe herë pas here i surprizojnë ata në mënyra të ndryshme.
Së fundmi, Luizi ka postuar një video në “Instastory” ku zbulon se çfarë ka bërë një admirues i tyre për ta. Është një tatuazh i gdhendur në krah dhe shkruhet:
“Team Luki”, që do të thotë se është mbështetës i çiftit të njohur.
Faleminderit vëlla. T’du fort”, ka shkruar ndërkohë këngëtari i dashur për publikun krahas videos në fjalë.
Ndërkohë reagimet dhe komentet në rrjet kanë qenë të shumta dhe të larmishme.
