“Influencer” është një nga rubrikat e reja të “E Diell” këtë sezon, por që ja ka dalë të tërheqë vëmendjen këto javë të para transmetimi, ndërsa dy vajzat që qëndrojnë pas idesë televizive, Argjira Spanca dhe Dea Mishel Hoxha, kanë folur sot më shumë për të, duke zbuluar edhe detaje nga bashkëpunimi i tyre. Kështu, të ftuara në “Pardon My French”, në Top Albania Radio, me Jonida Alickollin dhe Lei Krajën, vajzat kanë ndarë të rejat nga jeta e tyre profesionale dhe personale, ndërsa kanë daluar gjërë e gjatë sidomos tek “Influencer”.
Të pyetura se si u bënë bashkë për këtë projekt, në fakt ato nuk e kishin për herë të parë që do të punonn bashkë në “E Diell”, por tani që ju dha hapsira për të ndërtuar dicka të re, zgjodhën pikërisht këtë rubrikë.
“Ne kemi punuar tek “E diell”, “She’s On Top” por kemi kohë që punojmë bashkë me Dean.”- tha Argjira, ndërsa Dea zbuloi:
“Argjira ka qenë arsyeja se pse unë kam hyrë tek “E diell” në fillim. Një ditë të bukur vere më tha që fillojmë “She’s On Top”, do të vish në juri? Ka qenë një eksperiencë shumë e bukur dhe kemi kaluar shumë mirë. Kemi pasur gjithmonë këtë kiminë dhe Manushi na e propozoi që të ishim bashkë tek ky projekt. Kishte të drejtë sepse po shkon shumë mirë.”
Ndërkohë, sa i takon “influencer”, Argjira tregon se si kaloi nga skena e “E Diell”, në një rubrikë të dedikuar, me një vilë dhe me shumë pjesëmarrës:
“Influencer” është shumë voluminoz si program faktikisht. Sezoni i parë nisi pak si test, e bëmë në skenë dhe ishte i pëlqyeshëm nga publiku, por unë që tek i pari e kisha këtë ëndrrën e vilës, thjesht nuk kisha guximin ta bëja hapin para. Kur u bëmë bashkë me Dean dhe më tha Manushi për të realizuar diçka bashkë dhe në momentin që fola, duke ditur që Dea është kreative, pak unë dhe ajo bëmë një projekt goxha impenjativ por që po del bukur.”
E meqë jemi tek Dea, nuk mund të mos mungonte krahasimi i “Influencer” me “BBVIP”, ndërsa ish-finalisja e reality show-t, i ndan kështu dy programet:
“(Influencer)Nuk është e njëjta gjë si në “Big Brother” sepse ai është tërësisht reality dhe loja është kundër njëri-tjetrit, pra karakteret që ti ke përplasen me njëri-tjetrin, ndërsa tek “Influencer” kryesorja është puna që ata bëjnë dhe ideja që ne të futemi sa më thellë në botën e tyre si influencer. Si punojnë ata, si i shpërndajnë video-t e tyre në rrjetet sociale.”
Ashtu si në rubrikën e tyre, edhe në intervistë u vu re kimia mes dy vajzave dhe fakti që folën me shumë dashuri për “beben” e tyre televizive, nuk ka se si mos të nxjerrë një produkt të suksesshëm përfundimtar.
/News31
