Doli zbuluar? U nda nga Sarah Berisha, Dj PM në një lidhje të re dashurie me…

Në fokusin e vëmendjes për jetën private të DJ PM janë shfaqur sërish dyshime të reja në rrjetet sociale, kjo vetëm pak kohë pasi u bë publik lajmi për përfundimin e lidhjes disa-vjeçare me Sarah Berishën.

Subjekti i këtyre spekulimeve të fundit është Almedina Ismajli, e cila njihet gjithashtu si motra e modeles Arbenita Ismajli.

Sipas informacioneve që po qarkullojnë në mediat e Kosovës, vëmendja është tërhequr fillimisht nga fakti se DJ PM ka nisur ta ndjekë atë në Instagram.

Kjo lidhje në rrjetet sociale, e shoqëruar edhe me një detaj tjetër, ka nxitur kureshtjen e ndjekësve. Almedina pati ndarë më parë në InstaStory-n e saj një fotografi të DJ PM-së, e cila dukej se ishte shkrepur gjatë një qëndrimi në një pishinë në Tiranë. Përplasja e këtyre dy elementëve ka shërbyer si bazë për thashethemet e rrjetit mbi një afrim të mundshëm midis tyre.

Megjithatë, duhet theksuar se asnjë prej palëve nuk ka konfirmuar ndonjë lidhje më të afërt se sa një njohje apo shoqëri, ndaj gjithçka mbetet në kuadrin e aludimeve.

Ndërkohë, DJ PM është komentuar gjerësisht ditët e fundit për ndarjen nga Sarah Berisha, me të cilën nisi historinë e dashurisë pas njohjes së tyre në “Big Brother VIP Kosova”.

Deri në këto momente, asnjëri prej tyre nuk ka dalë me një deklaratë zyrtare që të sqarojë situatën e marrëdhënies së tyre.