Xhoana dhe Arlindi u përballen me njëri-tjetrin gjatë Prime-t të fundit të “Love Island Albania”, kryesisht për shkak të lidhjes së re që i fundit ka nisur me Uedën në vilën e dashurisë, edhe psei kishte bërë një premtim ish-ishullores kur u largua nga reality show. Zgjedhja e Arlindit dhe gjithcka që ka bërë këto ditë në program, kanë qenë një zhgënjim i madh për Xhoanësn, gjë që e ka shprehur nga postimet në rrjetet sociale, por edhe në intervistën e fundit tek “Rudina”.
Ndër të tjera, ajo tha si ndihet në raport me të, edhe pse nuk donte ta përmendte më, ndërkohë që zbuloi se kishin folur edhe për kohën kur do dilni nga programi dhe tashmë ka edhe një urim për të, sigurisht me ironi.
Pjesë nga biseda:
“Rudina Magjistari: E përkufizon tradhti diçka të tillë, çfarë emri do t’i vije?
Xhoana: Zhgënjim. Tradhti nuk mund ta quaj sepse në fund të ditës unë e dija që ai dëshironte të vazhdonte qëndrimin në vilë, por kanë qenë shumë premtime, shumë fjalë mes nesh dhe…
Rudina Magjistari: Premtimet cilat ishin që nëse del ti dal edhe unë pas teje? I keni bërë premtime të tilla njëri-tjetrit?
Xhoana: Kemi folur për vazhdimësinë tonë jashtë. Nuk është se unë Arlindit nuk i kisha thënë kurrë që kam një fëmijë jashtë, thjesht ai nuk e besonte dhe aty isha më serioze se kurrë. Por nuk mendoj që kjo e ndaloi Arlindin drejt meje, mendoj që thjesht do që të vazhdojë lojën e tij. Nuk kishte eksperienca të tjera, ishte me mua për 5 javë dhe mbase…”
Ndërkohë, disa pyetjeve që ju drejtuan, ndër të tjera edhe për puthjen që patën me Arlindin dhe atë që ky i fundit pati me Uedën, ajo dha këto përgjigje:
“Xhoana: Mendoj që lidhja ime me Arlindin ka qenë komplet ndryshe nga e Uedës, nuk ishim gati as ai dhe as unë. Ne kishim hyrë me mendje të ndarë, nuk do puthemi në program do hyjmë dhe puthjet do t’i lëmë për jashtë. Unë dua të jem e sinqertë me veten, momentin e parë që hyn mendon famën, mendon të mirat që mund të sjellë “Love Island” por brenda në emision më ndodhi një lloj afeksioni që nuk e kisha menduar.
Tani ato le të trashëgohen, mua nuk më intereson më pasi Arlindi ishte një mashkull… domethënë ai shkeli mbi të vërtetën që kemi pasur për 5 javë rresht, unë iu dedikova vetëm Arlindit. Që Arlindi të mos ndihej keq nuk kam pranuar asnjë mashkull tjetër kështu që të paktën minimumi, prisja respekt nga ana e tij.
Klotilda Harka: Mos ndoshta të zuri karma e Eratos?
Xhoana: Nuk e mendoj si karmë pasi nuk kam pasur asnjë marrëdhënie me Eraton. Mund të kenë ndodhur disa keqkuptime midis njëri-tjetrit, por jemi sqaruar.”
