Në shtëpinë e Big Brother VIP Kosova po ndodhin dinamika të ndryshme.
Një paralajmërim ka ardhur për dy nga banorët e shtëpisë, Yll Dervishin (Bucin) dhe Meti Alshiqin. Kjo pasi që të dy kanë pasur konflikte verbale të cilat kanë kaluar në bullizëm kundrejt Edona James.
Përmes një njoftimi të bërë në shtëpi para banorëve është dhënë paralajmërimi i fundit ndaj këtyre banorëve.
“Big Brother VIP Kosova e dënon ashpër këtë situatë. Vëllai i madh i paralajmëron Metin dhe Bucin se në rast të përsëritjes së shkeljeve të bëra, mund të përjashtohen menjëherë nga shtëpia”, thuhet në njoftim.
Kjo situatë erdhi pasi mbrëmjen e së premtes transgjinorja Edona James, rezultoi si ndër tre banorët më të votuar nga publiku, bashkë me Bleron dhe Gani Gërminë.
