Luiz Ejlli dhe Kiara Tito bëhen prindër për herë të parë.
Çifti së shpejti do të sjellë në jetë një vajzë, duke kurorëzuar historinë e tyre të dashurisë në “Big Brother Vip” me një fëmijë.
Kanë qenë vetë dyshja që kanë konfirmuar lajmin e ëmbël me këngën e Luizit të titulluar “Frymë”, ku kanë ndarë me ndjekësit momentin kur kanë marrë vesh lajmin e mirë.
Shumë personazhe të njohur të showbizit shqiptar kanë uruar Luizin dhe Kiarën për vogëlushin e tyre, ndërsa ajo që ra në sy të publikut ishte mungesa e një urimi nga Olta Gixhari.
Me këtë veprim aktorja u ka dhënë fund aludimeve për lidhjen e saj me këngëtarin shkodran, edhe pse nuk është pranuar prej tyre, prej kohësh vihet re një ftohje mes tyre.
As filmi “Në kuadër te dashurisë”, ku dyshja janë protagonistët kryesorë, nuk i bëri ata të harrojnë mbetjet e së shkuarës në “BBV” që ishin “armiq të betuar” në lojë.
Ndryshe nga Efi Dhedhes, Olta ka vendosur të mos e urojë çiftin për frytin e dashurisë.
Edhe gjatë xhirimeve të filmit, aktorja ka treguar shpesh se lidhja e tyre është ndjerë edhe nga aktorët, pasi gjatë provave nuk kanë munguar debatet mes njëri-tjetrit.
“Raporti që kemi në jetën reale është ndjerë gjatë gjithë kohës në xhirime. U reflektua një tension që kishim me njëri-tjetrin. Nuk është se ka ndodhur ndonjë gjë e çuditshme. Kemi punuar, pastaj nuk kemi punuar, pastaj kemi folur, pastaj kemi luftuar. Pastaj…. kështu ishte” – tha Olta.
