“Big Brother VIP” këtë vit është komentuar shumë për sherret dhe skandalet mes banorëve, por këto dy fjalë deri tani nuk njihen aspak nga banorët e “Ferma VIP”.
Përkundrazi fermerët kanë treguar qytetari dhe mirëkuptim me njëri-tjetrin.
Megjithatë opinionistja Sonila Meço u ka thënë mbrëmjen e djeshme në Prime se ata duhet të jenë më konkurrues ndaj njëri-tjetrit pasi nuk po sheh garë.
Menjëherë ka ndërhyrë Albano Bogdo, i cili tha se po e bëjnë garën me qytetari e jo me skandale.
“Ndryshe nga pritshmëritë tuaja ne po e bëjmë garën me super qytetari dhe jemi shumë të sjellshëm. Na jepni dhe sfidat më të vështira, ne prapë do e bëjmë me qytetari. Nuk do lëmë nam duke sharë e të pështyhemi”, tha Albano.
Por edhe një thumb i gjatë nga Fjoralba Ponari nuk mungoi.
Dikur pjesë e Top Channel, ama tashmë Fjoralba iu drejtua fermerëve se me sjelljen e tyre kanë rivendosur standartin e të bërit reality show në Shqipëri.
