Ish-banorja e “Big Brother VIP Albania”, Julia Ilirjani, e ftuar në “Ftesë në 5” tregoi arsyen përse u largua nga Shqipëria.
Sipas saj, bullizimi që po i bëhej vajzës, që madje kishte tentuar të vriste veten, e detyroi të udhëtonte drejt Shteteve të Bashkuara të Amerikës.
“Kur ime bijë u bë adoleshente, filloi pjesa e bullizmit nga shoqet e saj, të cilat filluan ta kërcënonin edhe fizikisht. Dhe unë nuk e kisha kuptuar këtë gjë derisa një ditë gjeta që ajo i kishe prerë të dyja duart, dhe kur pashë një gjë të gjithë si çdo nënë nuk je në gjendje të logjikosh më se çfarë po ndodh rreth teje” – u shpreh Julia.
“Bullizmi që asaj iu shkaktua dhe prerja e duarve që e bënte, dhe pastaj unë si nënë mendova ‘po sikur të presë, të shkojë më poshtë dhe ajo të jetë fatale dhe unë nuk jam në shtëpi’” – tha ish-banorja.
“Sepse me babain e njërës prej vajzave unë kisha punuar dhe e marr në telefon për t’i thënë për këtë gjë, dhe ai nuk deshi të merrej me këtë gjë, dhe ai është një njeri që është në politikë.
Dhe mua më vjen shumë keq që janë kaq indiferentë, qoftë ndaj edukimit të fëmijës së vet, qoftë ndaj asaj çfarë fëmija i vet t’i shkaktojë një fëmije tjetër” – u shpreh më tutje Julia.
