Në spektaklin e mbrëmjes së djeshme në shtëpinë e “Big Brother Vip” ka hyrë një banor i ri, Lidi Delia, i cili me profesion është një animator. Në videon prezantuese, ai tregon se ka jetuar në Tiranë, por prej dhjetë vitesh jeton në Prishtinë dhe është babai i dy fëmijëve.
Ai ka hyrë si ‘vëllai i Heidit’ dhe ky është misioni sekret ndaj saj që të bindë Romeon dhe banorët e tjerë
Në momentin që hyri në shtëpinë e BBV, Lidi për ta bërë më të besueshme shkoi takoi menjëherë Romeon, i cili u emocionua. Në një bisedë mes dy banorëve, Romeos i tha Lidit se ‘përderisa është vëllai i Heidit, tashmë është edhe vëllai i tij’.
