Këngëtari Robert Berisha mbrëmjen e djeshme, pas një telefonate me vajzën e tij Renee vendosi të të lërë përfundimisht garën në “Ferma VIP” krejt papritur.
Fillimisht moderatorja e emisionit, Fjoralba Ponari i ka treguar një poster i cili po qarkullonte në internet për një koncer që Robert Berisha dhe Xhensila Myrtezaj kishin të planifikuar në një nga ditët në vijim.
Roberti u pyet se duhet të zgjidhte të linte garën dhe të merrte pjesë në koncert, ose të anulonte koncertin të cilën menaxheri i tij nuk e kishte bërë dot.
Këngëtari zgjodhi të largohet nga ferma, por me arsyetimin se e ka marrë malli për vajzën dhe jo për koncertin.
Të shumtë ishin skeptikët mbi këtë largim të papritur të këngëtarit.
Dhe vetëm disa minuta pasi Roberti la ambientet e Frema Vip, dy banorë të tjerë duket se kanë nxjerrë zbuluar produksionin.
Në internet po qarkullon një video ku Dionis Biba e pyet banoren tjetër Glorian pse Roberti se ka pasur deri në fund kontratë, ajo i përshpërin në vesh “Ka qenë me kontratë për 2-3 javë”.
Dionis: Pse Roberi se ka pas deri në fund?
Gloria: Ka qenë me kontratë për 2-3 javë
Dionis: Jo ore, po tallesh, kshu do ikin të gjithë
