Pas përjashtimit nga Big Brother VIP Albania 4, Jozi ka reaguar për herë të parë, duke shprehur keqardhjen e tij për këtë vendim, por edhe duke sqaruar deklaratën që çoi në largimin e tij.
“Nuk ia thashë aspak personit në fjalë ose me tendencën e asaj historie të rëndë që kemi. Më vjen keq që jam përjashtuar. Më erdhi keq për Lorin, Bonën dhe Aldon,” u shpreh ai.
Ai gjithashtu pranoi se krahasimi i tij ishte i tepruar, por shtoi se nuk kishte qenë një sulm direkt ndaj Gjestit:
“Është krahasim i tepërt e pranoj, por nuk është i drejtuar ndaj Gjestit direkt, por vetëm një njeri pa gjak shqiptari mund ta bëjë këtë dhe që nuk kërkon falje. Ai s’di të kërkojë falje, viktimizohet,” tha Jozi.
Në fund, ai theksoi dashurinë e tij për shqiptarët e Kosovës dhe tha se ai vetë mund të ishte përfaqësuesi më i mirë për ta:
“Shqiptarët e Kosovës i dua unë më shumë se Gjesti dhe mund të tregojë shembullin më të mirë për ta. Ai që mund t’i përfaqësojë Kosovarët jam unë.”
Ky reagim ka ngjallur menjëherë debate në rrjetet sociale, me ndjekësit e BBVA 4 të ndarë mes atyre që e mbështesin dhe atyre që e kundërshtojnë Jozin pas kësaj deklarate.
