Pas publikimit të lajmit për ardhjen në jetë të djalit të saj, Dafina Zeqiri është përballur me një koment kritik nga një ndjekëse në rrjetet sociale, e cila ka vënë në pah mënyrën e lindjes së këngëtares, ndërhyrjen cezariane dhe jo mënyrën natyrale.
Ky koment ka nxitur reagimin e menjëhershëm të Dafinës, e cila ka sqaruar se mënyra e lindjes është një çështje personale dhe shpesh lidhet me arsye shëndetësore apo vendime të domosdoshme mjekësore. Ajo ka theksuar se askush nuk ka të drejtë të paragjykojë një grua për mënyrën si sjell në jetë një fëmijë.
Në përgjigjen e saj, këngëtarja shprehet:
“Maspari, zemra jeme… nuk është që ‘krejt lindje cezariane’. Pse gjykon si femër lindjet e të tjerave pa ditë a ka pas ndonjë komplikim? Apo ndonjë arsye tjetër? Mos fol pa lidhje! Marrë duhet me të ardh!”
Dafina ka shtuar gjithashtu se ka përjetuar dhimbje të mëdha dhe një periudhë të vështirë pas lindjes, duke theksuar se komentet e tilla janë të pavend dhe nuk e ndihmojnë askënd, veçanërisht një nënë në ditët e para pas ardhjes në jetë të fëmijës.
Reagimi i saj është mbështetur nga shumë ndjekës që kanë theksuar rëndësinë e empatisë dhe kujdesit në komunikim, sidomos kur bëhet fjalë për tema të ndjeshme si lindja dhe prindërimi.
