Janë publikuar pamje tronditëse nga aksidenti tragjik me motor që ndodhi në fshatin Qungur të Pejës, ku humbi jetën Eldion Kelmendi, vëllai i reperit dhe fituesit të “Big Brother VIP”, Gjesti.
Në fotot e siguruara nga mediat në Kosovë, shihet trupi i pajetë i të riut i mbuluar me çarçaf në anë të rrugës, pranë vendit ku ndodhi përplasja fatale mes motoçikletës dhe një veture. Aksidenti ndodhi si pasojë e humbjes së kontrollit nga shpejtësia, duke i marrë jetën 20-vjeçarit.
Këto pamje të rënda kanë rritur dhimbjen dhe reagimet e publikut, ndërsa Policia e Kosovës ka konfirmuar se po vijojnë hetimet për zbardhjen e plotë të rrethanave të ngjarjes.
Familja Kelmendi ka marrë ngushëllime nga shumë figura publike dhe artistë të estradës.
