Ish-banorja e “Big Brother VIP 3”, Sara Gjordeni, e ka ndjekur me vëmendje spektaklin e mbrëmshëm të “BBVA 5” dhe nuk i ka kursyer komentet e drejtpërdrejta për banorët dhe dinamikat e shtëpisë përmes disa postimeve në Instastory.
Në “skanerin” e saj kanë kaluar fillimisht opinionistët. Për Arbër Hajdarin, Sara u shpreh se “si përherë, u bie vetëm vajzave”, ndërsa për Monikën theksoi se herë i pëlqen e herë “e lëshon pa frena”.
Kritika më e ashpër e Sarës shkoi për çiftin e shtëpisë (Kejsi dhe Stelina). Ajo i cilësoi ata si “të mërzitshëm” si personazhe, duke theksuar se nuk i ngjallin asnjë emocion.
“Nuk e puth jo se s’kanë çfarë japin më brenda pastaj…” ironizoi ajo, duke nënkuptuar se lidhja e tyre nuk po arrin të depërtojë te publiku.
Gjithashtu, Sara komentoi strategjitë e produksionit, duke e cilësuar “Kutinë e Pandorës” si mjetin ndezës për lojtarët që duan t’i bëjnë viralë, duke përmendur emra si Loré apo Brikena.
Në mbyllje të analizës së saj, Sara bëri një parashikim dhe një thirrje të fortë për fituesin e këtij edicioni.
“Për mua fitorja është ngushtë mes Selin dhe Kristit,” shkroi ajo në postimin përmbyllës.
Sara theksoi dëshirën e saj që këtë vit trofeun ta ngrejë një vajzë, duke thumbuar fituesit e edicioneve të kaluara: “Shpresoj ta fitojë një vajzë se jemi lodhur paksa me një figurë mashkullore zakonisht +35 që e fiton”.
Ajo e mbylli me një këshillë miqësore për Stelinën, duke sugjeruar se nëse do të ishte në vendin e saj, do të kërkonte të dilte për të ruajtur imazhin e saj dhe të partnerit.
