Të vjellat e mëngjesit janë ndoshta nga gjërat më të këqia rreth shtatzanisë.
Çdoherë ekziston brenga se fëmija mund të mos jetë duke i marrë të gjitha vlerat ushqyese që i nevojiten. Nëse nuk mund ta mbash ushqimin në lukth, si mund vlerat e tij të mbërrijnë te fëmija. Në fakt, duket se nuk ka nevojë për t’u brengosur. Studimet kanë treguar se gratë që vuajnë nga të vjellat e mëngjesit gjatë shtatzënisë kanë më shumë gjasa të kenë një fëmijë me koeficient më të lartë të inteligjencës. Ky informacion mbase mund ta bëjë më të lehtë herën tjetër kur je mbi lavaman duke u nxjerrë zorrët jashtë.
Të vjellat e mëngjesit
Të vjellat e mëngjesit janë një nga simptomat më të zakonshme që asocohen me shtatzëninë. Por krahas emrit, ato mund të ndodhin në çdo pjesë të ditës apo natës. Zakonisht, është një nga shenjat e para të shtatzënisë dhe zgjat rreth 14-16 javë. Disa gra nuk i kanë këto simptoma fare. Por, sado e vështirë që mund të jetë, të vjellat e mëngjesit janë një shenjë vërtetë e mirë e shtatzënisë, sepse do të thotë se nivelet e hormoneve janë mjaftueshëm lart për ta mbajtur shtatzëninë.
Të vjellat e mëngjesit – Shkenca
Studimet kanë gjetur një lidhje mes të vjellave të shtatzënisë dhe shkallën më të ulët të ab-orteve dhe komplikimeve të tjera të shtatzënisë. Këtë herë, kërkuesit e Hospital for Sick Children në Toronto, Kanada, kanë shikuar efektet e të vjellave të shtatzënisë për të parë nëse i ndodh diçka trurit të fëmijës. Në mënyrë specifike kanë kërkuar zhvillime afatgjata të sistemit nervor (zhvillimi i gjërave si inteligjenca, sjellja, kujtesa dhe vëmendja). Ata kanë studiuar 92 fëmijë të nënave kanadeze që kanë pasur të vjella dhe marramendje gjatë shtatzënisë, dhe 29 që nuk kanë pasur.
Të vjellat e mëngjesit – Gjetjet
Fëmijët e nënave që kanë vuajtur nga të vjellat, kanë dalë të parët. Kërkuesit kanë deklaruar se të vjellat e shtatzënsë kanë një efekt pozitiv tek fëmija. Ata kanë matur KI-në (koeficientin e inteligjencës) e të gjithë fëmijëve dhe kanë gjetur se ata fëmijë nënat e të cilëve kanë pasur të vjella kishin KE më të lartë se të tjerët. Ata edhe kanë arritur rezultate më të larta në testet e kujtesës dhe gjuhës. Kjo nuk do të thotë se nëse nuk keni të vjella, fëmija juaj do të jetë më pak inteligjent. Dhe të gjithë fëmijët kanë arritur rezultate brenda kufinjëve normalë të KI-së. Dhe jo vetëm që kërkuesit kanë gjetur lidhje mes të vjellave të shtatzënisë dhe KI-së, por kanë thënë se ka korrelacion edhe mes intenzitetit të të vjellave dhe inteligjencës.
Hyperemesis Gravidarum
Megjithëse të vjellat e mëngjesit janë zakonisht një shenjë e mirë, nuk janë çdoherë të padëmshme. Ka një gjendje që mund të jetë e dëmshme si për nënën ashtu edhe për fëmijën. Hyperemesis Gravidarum karakterizohet nga të vjella më shpesh se normalja dhe që nuk përmirësohen nga medikamentet. Mund të shkaktojë dobësi të muskujve, lodhje ekstreme dhe dehidrim. Nëse keni ndonjë nga këto simptoma, patjetër kërkoni ndihmë mjeksore./Kosovarja
