Donald Veshaj dhe Dj Dagz u bënë shumë shokë kur ishin në shtëpinë e Big Brother Vip, por situata ndryshoi ditët e fundit për shkak të Einxhel. Dihen tashëm debatet që Einxhel pati me Doanldin, gjë që ndikoi në krisjen e shoqërisë mes dy djemve.
Që gjërat mes tyre nuk ishin si më parë, kjo u duk kur Dagz hyri sërish në BB për të darkuar me banorët dhe u tregua shumë por shumë i ftohtë me Donaldin, thuajse nuk shkëmbyen asnjë fjalë bashkë.
Pak ditë më parë Donaldi dhe Dj PM treguan në rrjetet sociale se janë takuar me njëri-tjetrin dhe realizuan një video funny bashkë me Ylli Limanin. Aty mungonte Dagzi dhe të gjithë menduan se djemtë kanë akoma hatërmbetje mes tyre.
Fakti që Dagz nuk ishte i pranishëm shtoi dyshimet se marrëdhënia me Donaldin ishte njësoj. Por së fundmi ata janë bërë bashkë dhe bëhet fjalë për një koncert. Donaldi është angazhuar me koncerte pas daljes nga Big Brother bashkë me mikun e tij, Elgit Doda dhe vëllanë, Roeon.
Vëllerëzit Veshaj dhe Elgiti do të performojnë së bashku me Dj PM dhe Dagz në një club të Ferizajt. Nuk dihet nëse dyshja kanë lënë pas keqkuptimet apo nëse bashkimi i tyre është thjesht çështje pune. Mbetet për t’u parë.
Por fakti që edhe në natën finale kur u pyet nga Arbana kush do donte të ishte fituesi, dagzi zgjodhi Donaldin, kështu që djemtë me siguri do i kenë hedhur pas krahëve hatërmbetjet.
