Para pak ditësh Arjan Konomi njoftoi me anë të një video gjëndjen e tij jo të mirë shëndetësore në ambjentet e një spitali teksa ndodhej me pushime në Jordani, ai bëri me dije se i ishte nënshtruar një operacioni në krah dhe se gjëndja e tij tashmë ishte më mirë.
Opinionisti solli edhe një her në mendje momentet e vështirë që përjetoi teksa po shkonte në spital pasi pësoi aksidentin në krah. Ai tha se spitali ishte 3 orë larg vendit ku ishte dhe përgjatë rrugës ka humbur ndjenjat disa herë derisa ka mbërritur në spital.
Pasi mbërriti në ambjentet e spitalit Arjani tregoi se u përball me një tjetër situatë të vështirë pasi mjekët nuk pranonin ta fusnin në sallë pa bërë fillimisht pagesën. E gjithë kjo u zgjidh pasi një miku i tij në Londër mori përsipër të gjithë shpenzimet e operacionit.
Teksa e çonin me karrocë në sallën ai tregoi:
“Kur mbyllja sytë shikoja ëndrra të bukura, gjëra të bukur dhe dëgjoja një njeri që më ulëristë sipër barrelës të hapja sytë. Aty mu kujtuan filmat amerikanë.”
Por pavarsisht të gjithë kësaj situate që Arjani kaloi sapo mbërriti në Shqipëri njoftoi se tashmë ndodhet në të ëmblën shtëpi dhe gjëndja e tij shëndetësore ishte mirë.
