Pra, rezultoi që libri kishte autor, titullin e kishte ndryshe, kishte tjetër vit botimi dhe kishte jo 48 fletë, por 48 faqe – shkurt bibliografi kishte sajuar një botim që nuk ekzistonte, thënë ndryshe, një botim fantomë.
Ekzemplari u hoq nga Fondi i arkivit të librit shqip dhe kaloi në Fondin e përgjithshëm, ku edhe mori nr. përkatës të vendit.Duke mos u marrë me gabimin e bibliografit të bibliotekës së Elbasanit, si mund të kishte ndodhur ky gabim në BKSh, pra që ekzemplari i një botimi ekzistues në koleksionet e saj të shndërrohej në botim më vete?
Në shën. 57 të këtij studimi u tregua për një katalog të Arkivit të Librit Shqip në BKSh të vitit 1978, i cili u qe shpërndarë bibliotekave të tjera për të verifikuar mungesat në atë arkiv.
