Në shtëpinë e “Big Brother VIP Albania” kanë filluar debatet e para mes banorëve.
Ka qenë Olta Gixhari ajo që ka treguar hapur ‘hatermbetjet’ me Tea Trifonin.
Sipas aktores, ish-konkurrentja e “Përputhen” po mban një barrierë në komunikimet me të.
I gjithë debati lindi pasi Olta kërkoi një sqarim nga Tea për indiferencen e saj, por kjo e fundit pikerisht në këtë moment ka shkuar për të pirë ujë, veprim i cili iu duk aktores si shmangie.
Olta shtoi se nuk e kupton sjelljen e Teas pasi në momentin kur kanë hyrë në BBV, ajo pati një simpati për të, madje nuk i kurseu as komplimentat ku e cilësoi se ishte veshur si një princeshë.
Pjesë nga debati:
Olta: Unë kam tentuar po ti nuk dëgjon, me mua jo, e shoh të vështirë komunikimin me ty.
Tea: E ke gabim, ça të bëj unë, të vdes këtu se do ti muhabet. S’mund të marr pak ujë, se ofendohesh ti.
Olta: Po unë nuk mund ta shpreh mendimin tim pas 30 minuta, sa të mbarosh ti punët e shtëpisë.
Tea: Tani si të duash, unë nuk të detyroj të flasësh me mua me zor.
Olta: Ti mua më ke dhënë tjetër perceptim në fillim, madje sa je futur të kam thënë ua je bërë si perëndeshë, sa paqe rrezaton. Thashë se do rrinim bashkë, kam ndjerë simpati por ti jo mesa duket. Ndaj kam qëndruar larg.
Tea: Po pse?
Olta: Atë më ke dhënë ti, kam tentuar të flas. Se di tani mbase e ke bërë pa qëllim.
Amos: Mbase nuk e keni njoh mirë njëra tjetrën.
