Tragjedi në Greqi: Shqiptari vr*t bashkëshorten dhe tenton vetëvr*sjen

Në zonën e Rodopit në Greqi ka ndodhur një krim makabër, ku një shtetas shqiptar ka privuar nga jeta bashkëshorten e tij përmes përdorimit të një thike, ndërsa më pas tentoi të kryente vetëvrasje duke konsumuar benzinë.

Pas aktit të dhunshëm ndaj bashkëshortes 44-vjeçare, autori tentoi t’i jepte fund jetës së tij dhe për këtë arsye u dërgua me urgjencë drejt strukturave spitalore, ku po merr trajtimin e nevojshëm mjekësor.

Nga të dhënat e publikuara nga autoritetet dhe shtypi grek, rezulton se marrëdhënia e tyre ishte problematike, pasi në vitin 2022 në Heraklion të Kretës ishte shënuar një përplasje mes tyre.

Në atë periudhë, 53-vjeçari ishte prangosur nga policia pasi bashkëshortja e tij e kishte denoncuar për kërcënime.

Familja e tyre përbëhej nga tre fëmijë, ku dy prej tyre janë të rritur dhe një 16-vjeçar, ndërsa pritet zbardhja e mëtejshme e rrethanave të ngjarjes.

Kjo ngjarje pason një tjetër krim të rëndë të ndodhur në Greqi vetëm tri ditë më parë, kur Altin Allmuça i mori jetën partneres së tij, Julieta Obzova.