Shumë njerëz kanë nisur një romancë në formate si “Big Brother”, lidhje që në disa raste përfundonin menjëherë pas përfundimit të reality show-t dhe në raste të tjera vijonin dhe ish-banorët u bënë prindër.
Janë krijuar mjaft çifte gjatë qëndrimit prej afro 100 ditësh brenda shtëpisë, por deri më tani janë bërë/do të bëhen prindër vetëm tetë persona; më saktë 4 çifte.
Neda & Ogreni
Në “Big Brother 4”, një nga lidhjet më të diskutuara të atij sezoni ishte çifti Neda-Ogren. Neda Karafili dhe Ogren Balluku u martuan në verën e vitit 2015 dhe sot janë prindër të tre fëmijëve, djemve Serzh dhe Zai dhe vajzës Suzie Ann.
Matilda dhe Fatjoni
Ndryshe nga çiftet e tjera, Matilda dhe Fatjoni ishin në një lidhje kur u bënë pjesë e “Big Brother 7”, edhe pse duhej ta mbanin të fshehtë këtë fakt. Sot ata janë prindër të 2 vajzave.
Einxhel & Arbër
Einxel Shkira dhe Arbër Gumnishta i njohur si DJ Dagz janë takuar në “Big Brother VIP 1”. Kishte dyshime për marrëdhënien dhe jo pak njerëz brenda dhe jashtë shtëpisë ishin mosbesues. Por ata treguan se ndjenjat ishin më të vërteta. Angel dhe Dagz janë prindër të Trevit të vogël.
Kiara dhe Luiz
Pak ditë më parë Kiara Tito konfirmoi se është në pritje të një fëmije. Ajo dhe Luizi do të bëhen prindër të një vajze. Ata u njohën në “Big Brother VIP 2” dhe u bënë një nga çiftet më të preferuar të publikut.
