Miku i ngushtë i Donald Veshajt, Elgit Doda, ka reaguar pa dorashka për pakënaqësinë e tij që aktori nuk e fitoi edicionin e parë të Big Brother VIP.
Në dy postime në rrjetet sociale, Elgit Doda thotë se “i drejti fiton një ditë”. “Nuk hahet haku i një populli”, shkruan sërish Elgiti në “Instastory”.
Ndërsa disa minuta pasi u shpall edhe fituesi, Elgiti shkroi me ironi: ‘Hajde gallatë hajde’. Kujtojmë që këngëtari i njohur ka dalë publikisht në krah dhe në mbështetje të aktorit të humorit.
Kjo ka ndodhur qysh ditën e parë që ky i fundit u bë pjesë e shtëpisë më të famshme në Shqipëri. Problemi i tij ishte se ishte Ilir Shaqiri ai që u shpall fitues mbrëmjen e 18 shkurtit, duke marrë me vete edhe çekun me 100 mijë euro.
Sot Elgit Doda së bashku me Fifin do të jenë duke përformuar së bashku në një nga klubet e Tiranës. Ata do të këndojnë hitet e tyre në klub, por ka surpriza.
Donald dhe Romeo Veshaj do të jenë të ftuar special të mbrëmjes. Ata do të përshëndesin publikun dhe sigurisht do të këndojnë këngët e tyre me Elgit Doden, “Toxic love” dhe “Piloti i zemrës”
