Pas një mungese disavjeçare në skenë dhe në ekran, reperi i njohur shqiptar Arban Përlala, njohur me emrin e artit si G Bani, habiti të gjithë ndjekësit e tij teksa para disa javësh më parë u shfaq në programin “Më lër të flas”, në një puntatë speciale që risolli magjinë e muzikës së viteve ‘2000. Por, duket se gjërat nuk po shkojnë edhe aq mirë për të.
Ditën e djeshme, ai ka postuar në llogarinë e tij në TikTok një video ku tregon se dikush e ka përplasur qëllimisht me makinë . Artisti denoncon në të njëjtën kohë heshtjen dhe racizmin e autoriteteve britanike që nuk e ndihmuan pasi është shqiptar.
“Kam bërë aksident në Fulham. Dikush më përplasi qëllimisht me makinë dhe më theu këmbën. Kam bërë dy operacione. Ndërkohë që unë jam në shtrat dhe nuk lëviz dot, ai që më përplasi është i lirë. Policia thotë se nuk kanë prova që e bëri ai aksidentin.
E di që në Angli nuk u intereson shumë. Kur morën vesh që isha shqiptar, nuk më pranuan as dëshmitarët. Duhet të ndalojë kjo urrejtja ndaj shqiptarëve. Aksidenti ka ndodhur në Fulham më 22 qershor. Dëshmitarët nuk merren parasysh, se thanë që ngaqë janë shqiptarë edhe ata si unë, i kam shokë edhe nuk mund të merren për bazë,”-u shpreh ndër të tjera ai.
