Vetëm dy ditë më parë Arbana Osmani dhe Eduart Grishaj kurorëzuan dashurinë e tyre në martesë në Itali. Ata kishin vetëm një rregull për të gjithë të ftuarit, ‘asnjë foto në rrjetet sociale’. E të gjithë e respektuan privatësinë e tyre.
Kur kanë kaluar 2 ditë, ende nuk kemi asnjë foto të Arbanës si nuse apo të atmosferës. Tashmë është koha e moderatores së dashur për publikun që të flasë. Ajo falënderon të gjithë të pranishmit në ceremoni dhe ata që e uruan.
“Pak ditë më parë, në një ceremoni private vetëm me njerëzit tanë më të afërt festuam dashurinë në të gjitha dimensionet e saj. E megjithëse zgjodhëm që këtë moment ta mbanim për vete kam ndjerë pafund dashurinë dhe dashamirësine tuaj që ka qenë e pakursyer si gjithmonë e pakursyer ka qenë edhe ndihma që disa nga miqtë tanë na kanë dhënë për të jetuar këtë ditë ashtu siç e kisha ëndërruar dhe ne do t’ju jemi gjithë jetën mirënjohës për gjithçka kanë bërë”, shkruan Arbana në një postim në “Instastory”.
Osmani gjithashtu ka publikuar një detaj të vogël nga fustani i saj i nusërisë, si dhe një foto nga vendi ku është mbajtur ceremonia.
